02.10.2026 | 13:50
7.9 մլն դրամ աշխատավարձ, 34 մլն դրամ կանխիկ․ ինչ է հայտարարագրել Արթիկի համայնքապետը
Փոփոխություն` ուսուցիչների ատեստավորման գործընթացում․ ՏԵՍԱՆՅՈՒԹ
Հասարակություն
10.10.2024 | 11:39
Կառավարությունը փոփոխությունն է իրականացնում ուսուցիչների կամավոր ատեստավորման կարգում։ Նիստում նոր փոփոխությունները ներկայացրեց Կրթության, գիտության, մշակույթի և սպորտի նախարար Ժաննա Անդրեասյանը։
«Ամեն տարի մենք որոշակի փոփոխություններ ենք կատարում բարելավվելու թե՛ ընթացակարգը, թե՛ թեստերը, թե՛ մնացած ատեստավորման գործընթացի հետ կապված բաղադրիչները։ Մեզ համար լուրջ խնդիր էր, որ ուսուցիչների կամավոր ատեստավորումն իրականացվում էր թղթային եղանակով, ինչը բազմաթիվ բարդություններ և նաև ժամանակային խնդիրներ էր առաջացնում ուսուցիչների համար։ Փոփոխությունների այս առաջարկով ատեստավորման էլեկտրոնային եղանակն ենք ներդնում, ինչը նշանակում է, որ ուսուցիչները կկարողանան կամավոր ատեստավորմանը մասնակցել ամբողջությամբ էլեկտրոնային եղանակով»,-ասաց Անդրեասյանը՝ հավելելով, որ այս մեխանիզմով կկարողանան էապես կրճատել ժամանակը։
Նախարարի խոսքով՝ նախագծով նկարագրվել է ամբողջությամբ էլեկտրոնային եղանակով կամավոր ատեստավորման անցկացման ընթացակարգը։ «Ուսուցիչը թեստ լրացնելուց հետո հնարավորություն կունենա միանգամից տեսնել իր արդյունքը և այդ պահին իր համար պարզ կլինեն ճիշտ և սխալ պատասխանները,»-եզրափակեց Ժաննա Անդրեասյանը։
Մանրամասնրը՝ տեսանյութում։
