11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ուկրաինայի ԶՈւ-ն հայտնել է Կրասնոդարի երկրամասում «Շահեդ»-ների պահեստին հարվածելու մասին․ ՏԵՍԱՆՅՈՒԹ
Քաղաքականություն
10.10.2024 | 11:59
Կրասնոդարի մարզի Յեյսկի շրջանի Օկտյաբրսկի գյուղում պահեստային տարածքներ են հրդեհվել։ Current Time-ի փոխանցմամբ՝ այս մասին հայտնում են մարզային օպերատիվ շտաբից։
Ականատեսները հայտնել են պայթյունների ձայներ լսելու մասին։ Օպերատիվ շտաբի տվյալներով՝ հրդեհը մեկուսացվել է 1600 քմ տարածքում, շրջափակվել է հրդեհի վայրի տարածքը։ Ըստ նախնական տվյալների՝ զոհեր և վիրավորներ չկան։
Ուկրաինայի ԶՈՒ Գլխավոր շտաբը հայտնել է, որ Օկտյաբրսկի գյուղում հարձակման է ենթարկվել «Շահեդ» տեսակի անօդաչու թռչող սարքերի պահեստային բազան։ Ուկրաինացի զինվորականների տվյալներով՝ այնտեղ շուրջ 400 անօդաչու թռչող սարք է եղել։
«Օբյեկտիվ դիտարկման արդյունքներով օբյեկտի տարածքում նկատվել է ճշգրիտ հարված թիրախին»,- ասվում է հաղորդագրության մեջ։
Թարգմանությունը՝ Տաթև Ֆռանգյանի
