26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
Ադիգեայում ուկրաինական ԱԹՍ-ների հարձակումից հետո ռազմական օդանավակայանում հրդեհ է բռնկվել
Քաղաքականություն
10.10.2024 | 13:06
ՌԴ Ադիգեայի ղեկավար Մարատ Կումպիլովը հայտնել է, որ Մայկոպը հարձակման է ենթարկվել ուկրաինական անօդաչու թռչող սարքերի կողմից, հրդեհ է բռնկվել։ Նրա խոսքով՝ Ռոդնիկովո գյուղի բնակիչներին տարհանում են և տեղավորում Խանսկայա կայանում, գրում է Meduza-ն։
Կումպիլովի պնդմամբ՝ հարձակման հետևանքով տուժածներ չկան։
Astra տելեգրամ ալիքը պնդում է, որ ուկրաինական անօդաչու թռչող սարքերը հարձակվել են Մայկոպի մերձակայքում գտնվող Խանսկայա ռազմական օդանավակայանի վրա։ Ռոդնիկովոն գտնվում է դրանից մեկ կիլոմետրից էլ պակաս հեռավորության վրա։ ՆԱՍԱ-ի հրդեհային մոնիթորինգի համակարգի համաձայն, որին վկայակոչում է Astra-ն, օդանավակայանի մոտ հրդեհ է գրանցվել։
ՌԴ ՊՆ-ն էլ հայտարարել է, որ հոկտեմբերի 9-ի լույս 10-ի գիշերը հակաօդային պաշտպանության ուժերը մի քանի շրջաններում ոչնչացրել և որսացել են 92 ուկրաինական անօդաչու թռչող սարք, այդ թվում՝ 47-ը խոցվել է Կրասնոդարի երկրամասում:
Նշվում է, որ ևս 12 անօդաչու թռչող սարք գիշերը խոցվել է Կուրսկի շրջանի, 9-ը՝ Ռոստովի, 4-ը՝ Բրյանսկի, 2-ական Բելգորոդի և Ղրիմի, 1-ը՝ Վորոնեժի շրջանի, 15-ը՝ Ազովի ծովի վրա։ Հաղորդվում է, որ հարձակումների հետևանքով զոհեր և վիրավորներ չկան։
Թարգմանությունը՝ Էմմա Չոբանյանի
