26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
ՀՀ քրեակատարողական հիմնարկների կադրերը կվերապատրաստվեն ԱՊՀ-ում․ համաձայնագիր է ստորագրվում
Քաղաքականություն
09.10.2024 | 23:32
Հայաստանի քրեակատարողական հիմնարկների կադրերը կվերապատրաստվեն ԱՊՀ երկրներում։ Կառավարության օրակարգում է «Անկախ պետությունների համագործակցության մասնակից պետությունների քրեակատարողական ծառայությունների համար կադրերի պատրաստման մասին» համաձայնագրի հաստատումը։
Արդարադատության նախարարության շրջանառած նախագծից տեղեկանում ենք, որ ՀՀ-ն ժամանակակից աշխարհի մարտահրավերներին համապատասխանող բարձր մակարդակի կադրերի պատրաստումը պատկերացնում է նաև ԱՊՀ երկրների հետ համագործակցության շրջանակներում։
«Համաձայնագրով նախատեսվում է, որ պետությունների միջև համագործակցությունը կիրականացվի իրավասու մարմինների միջոցով՝ պետությունների ներպետական օրենսդրության և միջազգային պարտավորությունների համաձայն:
Քրեակատարողական ծառայությունների համար կադրերի պատրաստումը կիրականացվի ըստ ընդունող կողմի կրթական հաստատությունների ծրագրերի՝ վերջինիս օրենսդրությամբ սահմանված չափանիշների և սահմանափակումների պահպանմամբ, իսկ ուսուցման թեկնածուների ընտրությունը կիրականացնի ուղարկող կողմը»,- նշված է նախագծում:
Գերատեսչությունը որպես հիմնավորում էլ հիմքում դրել էլ է կառավարության 2021-2026թթ. Ծրագիրը, ըստ որի, կառավարության համար արտաքին քաղաքականության կարևոր նպատակներից են բոլոր պետությունների և կազմակերպությունների հետ Հայաստանի երկկողմ և բազմակողմ հարաբերությունների շարունակական զարգացումը ու արդյունավետ համագործակցությունը։
