09.09.2026 | 10:27
Հայաստանում սպասվում է ջերմաստիճանի զգալի բարձրացում. Լևոն Ազիզյան
Իրանում պատգամավորները կոչ են արել երկրի ԱԽ-ին՝ թույլատրել միջուկային զենքի ստեղծումը
Քաղաքականություն
09.10.2024 | 18:30
Իրանցի մի խումբ պատգամավորներ կոչ են արել երկրի Ազգային անվտանգության բարձրագույն խորհրդին՝ թույլատրել միջուկային զենք ստեղծել Իսրայելի սպառնալիքների պատճառով, հայտնում է ISNA գործակալությունը։
«Այսօր ոչ մի միջազգային կազմակերպություն, նույնիսկ եվրոպական ու ամերիկյան պետություններ չեն կարող վերահսկել Իսրայելին։ Դրա հիման վրա 39 պատգամավորներ նամակ են գրել Ազգային անվտանգության բարձրագույն խորհրդին և ստորագրել են այն՝ կոչ անելով Խորհրդին վերանայել Իրանի Իսլամական Հանրապետության պաշտպանական դոկտրինը»,- գործակալությանը հայտնել է մշակույթի հարցերով խորհրդարանական հանձնաժողովի անդամ Հասան-Ալի Էխլյակին։
Իրանի պաշտպանական դոկտրինը, հետևելով երկրի գերագույն առաջնորդ Ալի Խամենեիի ֆեթվային, արգելում է միջուկային զենքի ստեղծումը՝ դրանց արտադրությունը համարելով իսլամին հակասող։
Էխլյակին նշել է, որ չնայած դրան՝ արգելքը կարող է վերանայվել։
Թարգմանությունը՝ Տաթև Ֆռանգյանի
