26.06.2026 | 16:48
Հուլիսի 2-ին Ազգային ժողովի արտահերթ նստաշրջան կգումարվի
Հիմնանորոգվում է Հրազդանից Կաքավաձոր տանող ճանապարհը
09.10.2024 | 16:07
Հիմնանորոգվում է Հրազդան քաղաքից դեպի Կաքավաձոր թաղամաս տանող ճանապարհը․ այս մասին հայտնում են Ճանապարհային դեպարտամենտից, նշելով, որ հիմնանորոգվող ճանապարհի երկարությունը 5.7 կմ է։ Շինարարական աշխատանքներն իրականացնում է «Հրազդանի ՃՇՇՁ» ԲԲԸ-ն։
Կատարվում են երթևեկելի մասի քանդման, հողային աշխատանքներ, տեղադրվում է ավազակոպճային շերտ։
«Ճանապարհը մի քանի տասնամյակ չէր հիմնանորոգվել և գրեթե անանցանելի վիճակում էր։ Ծրագրի շրջանակներում կհիմնանորոգվի երթևեկելի մասը՝ տեղադրելով հիմքի շերտերը և երկշերտ ասֆալտբետոնե պատվածք։ Կնորոգվեն իջատեղերն ու մուտքերը, ճանապարհին առկա արհեստական կառուցվածքները, կիրականացվի կողնակների ամրացում ու հարթեցում, կկառուցվեն հենապատեր, ճանապարհը կկահավորվի անվտանգության տարրերով, կարվեն նաև այլ աշխատանքներ»,- ասված է Ճանապարհային դեպարտամենտի տարածած հաղորդագրության մեջ:
Հիմնանորոգումը կատարվում է ՀՀ պետական բյուջեի միջոցներով։
