26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
ՆԱՏՕ-ի գեներալը կազմել է ամերիկյան զենքերի ցանկը, որոնք կարող են օգնել Ուկրաինային
Քաղաքականություն
09.10.2024 | 17:34
Եվրոպայում ՆԱՏՕ-ի Զինված ուժերի գլխավոր հրամանատար Քրիստոֆեր Կավոլին կազմել է սպառազինության համակարգերի ցանկը, որոնք ԱՄՆ-ն ունի, և որոնք կարող են օգնել Ուկրաինային Ռուսաստանի դեմ պայքարում։ Այս մասին հայտնում է CNN-ը՝ վկայակոչելով իր աղբյուրներին։
Ցանկում ներառված են JASSM «օդ-երկիր» հրթիռները, ինչպես նաև կապի համակարգը, որը հայտնի է որպես Link 16․ տվյալների փոխանակման ցանց, որն օգտագործվում է ԱՄՆ-ի և ՆԱՏՕ-ի կողմից: Այն պետք է ապահովի անխափան հաղորդակցություն մարտական համակարգերի միջև և հատկապես օգտակար է հակաօդային պաշտպանության ու հակահրթիռային պաշտպանության կառավարման և մոնիթորինգի համար:
Կավոլիի ցուցակը չի անդրադառնում, թե ինչու ԱՄՆ-ը չի տրամադրել համակարգեր, որոնք, ըստ նրա, օգտակար կլինեին: Սակայն ամերիկացի պաշտոնյաները նախկինում մտահոգություն էին հայտնել ամերիկյան զգայուն տեխնոլոգիաների՝ Ռուսաստանի ձեռքն ընկնելու վտանգի կապակցությամբ։ Խոսքը, մասնավորապես, Link 16 համակարգի մասին է։
Մեկ այլ աղբյուր հավելել է, որ կործանիչներից «օդ-երկիր» հրթիռները կարող են ապարդյուն լինել ուկրաինացիների համար, եթե դրանք չհասնեն օդային գերազանցության որոշակի մակարդակի:
Ավելի վաղ հաղորդվել էր, որ ԱՄՆ-ն Կիևին 2,4 միլիարդ դոլարի օգնության փաթեթ կտրամադրի՝ Ուկրաինայի անվտանգության աջակցության նախաձեռնության (USAI) միջոցով:
Թարգմանությունը՝ Տաթև Ֆռանգյանի
