12.12.2024 | 09:46
Մակունցն ու կոնգրեսական Վալադաոն քննարկել են ՀՀ-ԱՄՆ երկկողմ հարաբերությունների զարգացման հեռանկարները
Վրաստանի ՍԴ-ն հրաժարվել է կասեցնել «օտարերկրյա գործակալների» մասին օրենքը
Քաղաքականություն
09.10.2024 | 14:41
Վրաստանի Սահմանադրական դատարանը հրաժարվել է կասեցնել «օտարերկրյա գործակալների» մասին օրենքը, ինչպես պահանջում էր երկրի նախագահ Սալոմե Զուրաբիշվիլին։ Որոշումը հրապարակվել է դատարանի կայքում։
«Չի բավարարվել հայցվոր կողմի միջնորդությունը՝ կասեցնել վիճարկվող նորմերի գործողությունը՝ մինչև գործով վերջնական որոշում կայացնելը»,- ասված է որոշման մեջ։
Վրաստանի խորհրդարանը երրորդ և վերջին ընթերցմամբ հաստատել է «օտարերկրյա գործակալների» մասին անունը ստացած «Օտարերկրյա ազդեցության թափանցիկության մասին» օրենքը այս տարվա մայիսի 14-ին, իսկ մայիսի 28-ին հաղթահարել վիճահարույց փաստաթղթի վրա նախագահի վետոն։
Օրենքը մասամբ ուժի մեջ է մտել հունիսի 3-ին, երբ այն ստորագրել է խորհրդարանի նախագահ Շալվա Պապուաշվիլին, իսկ ամբողջությամբ՝ օգոստոսի 1-ին։
Թարգմանությունը՝ Տաթև Ֆռանգյանի
