07.10.2026 | 16:42
«Հրաշք այգի» ռեստորանային համալիրից 2 գորշ արջի տեղափոխել են ապաստարան
Տարածաշրջանում միջանցքների ապաշրջափակումը հնարավոր է միայն ՌԴ-ի մասնակցությամբ․ Օվերչուկ
Քաղաքականություն
09.10.2024 | 11:15
Հայաստանը պաշտոնապես հետ չի վերցնում իր ստորագրությունը եռակողմ հայտարարությունից, որը ստորագրվել է 2020 թվականին Մոսկվայի, Երևանի ու Բաքվի միջև և նպաստել է Լեռնային Ղարաբաղում հրադադարի հաստատմանը։ Միաժամանակ, տարածաշրջանում հաղորդակցությունների ապաշրջափակման եռակողմ աշխատանքային խմբի շրջանակում շուրջ մեկուկես տարի առաջընթաց չկա։ Այս մասին հայտարարել է ՌԴ փոխվարչապետ Ալեքսեյ Օվերչուկը, փոխանցում է ՏԱՍՍ-ը։
«Հայաստանը պաշտոնապես դուրս չի գալիս եռակողմ հայտարարությունից և ստորագրությունը հետ չի կանչում, սակայն, միևնույն ժամանակ, փոխվարչապետների մակարդակով եռակողմ աշխատանքային խմբի հետ կապված արդեն երկու տարի գրեթե տեղաշարժ չկա, կամ առնվազն մեկուկես տարի անցած ամառվանից»,- ասել է Օվերչուկը ռուսական Առաջին ալիքին տված մեկնաբանությունում։
Նա, միաժամանակ, հայտարարել է, թե տարածաշրջանում տնտեսական և տրանսպորտային միջանցքների ապաշրջափակումը «հնարավոր է միայն Ռուսաստանի մասնակցությամբ»։
Թարգմանությունը՝ Էմմա Չոբանյանի
