07.10.2026 | 19:12
Թուրքական նավերի վրա հարձակումներից հետո Էրդողանը Պուտինի հետ Սև ծովում անվտանգության հարցն է քննարկել
Բաքուն անհանգստացած է ՀՀ-Ադրբեջան սահմանին ԵՄ առաքելության դիտարկումներից
Քաղաքականություն
08.10.2024 | 22:30
Վերջին օրերին Ադրբեջանի իշխանամերձ լրատվամիջոցները կրկին ակտիվացրել են ՀՀ-ում տեղակայված ԵՄ քաղաքացիական դիտորդական առաքելության գործունեության դեմ քարոզչական արշավը։ Մասնավորապես, ադրբեջանական լրատվամիջոցներն դժգոհություն են արտահայտում Հայաստան-Ադրբեջան սահմանին դիտարկումների կապակցությամբ, որը ԵՄ առաքելության հիմնական գործառույթն է՝ դրանք որակելով իբրև «սադրանք»։
Ադրբեջանական իշխանամերձ ԶԼՄ-ները կադրեր են հրապարակել, թե ինչպես այսօր ժամը 13։10-ի սահմաններում ԵՄ դիտորդները հայկական բանակի զինծառայողների ուղեկցությամբ ԵՄ-ին պատկանող Toyota մակնիշի երկու ավտոմեքենաներով պարեկություն են իրականացնում Կոռնիձոր գյուղի մոտակայքում գտնվող ճանապարհին։
Նշվում է, որ չորս դիտորդներ ու չորս հայ զինծառայողներ դիտարկում են իրականացրել Լաչինի միջանցքի ուղղությամբ։
Նախօրեին էլ ադրբեջանական լրատվամիջոցները մեկ այլ տեսանյութ էին հրապարակել, թե ինչպես ԵՄ առաքելության 8 դիտորդներն ու զինվորականները Գորիսի հատվածում պարեկություն են իրականացնում սահմանին՝ դիտարկելով ադրբեջանական կողմը։ Այս ամենը ներկայացվում է, իբր, «ԵՄ-ն և Հայաստանն Ադրբեջանի դեմ սադրանքներ են նախապատրաստում»։
Ըստ ամենայնի, Բաքվի այս նյարդային արձագանքը պայմանավորված է նրանով, որ ՀՀ-ի դեմ իր իսկ կողմից նախապատրաստվող հերթական սադրանքներն ու ադրբեջանական զինուժի տեղաշարժը ԵՄ դիտորդների վերահսկողության ներքո են։
Էմմա Չոբանյան
