20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
ԵՄ-ն հաստատել է Ռուսաստանի դեմ պատժամիջոցների նոր ռեժիմը
Քաղաքականություն
08.10.2024 | 17:00
Եվրամիության խորհուրդը հաստատել է Ռուսաստանի դեմ նոր պատժամիջոցների շրջանակը։ Նման միջոցները ձեռնարկվել են՝ ի պատասխան արտերկրում Ռուսաստանի ապակայունացնող գործողությունների, ինչպես նաև եվրոպական տարածքում ՌԴ-ի շարունակական հիբրիդային գործունեությանը, ասվում է կազմակերպության կայքում հրապարակված հայտարարության մեջ։
ԵՄ խորհուրդը նշում է, որ միությունն այժմ կկարողանա պայքարել Ռուսաստանի այնպիսի հիբրիդային սպառնալիքների դեմ, ինչպիսիք են ընտրական գործընթացների և ժողովրդավարական ինստիտուտների գործունեության քայքայումը, տնտեսական գործունեությանը, հանրային շահերի ծառայություններին կամ կարևոր ենթակառուցվածքներին սպառնալիքները և սաբոտաժները, արտերկրից ստացված տվյալների մանիպուլյացիան, վնասակար կիբերգործունեությունը, միգրացիոն հոսքերի ուղղությունը և այլ ապակայունացնող գործողություններ:
Փաստաթղթի համաձայն՝ նոր պատժամիջոցները հնարավորություն կտան պատասխանատվության ենթարկել ֆիզիկական և իրավաբանական անձանց, որոնք ներգրավված են Ռուսաստանի կառավարության նման գործունեության և քաղաքականության մեջ։
Շահագրգիռ անձանց ակտիվները կսառեցվեն, իսկ ԵՄ քաղաքացիներին և ընկերություններին կարգելվի նրանց ֆինանսավորում տրամադրել։
Թարգմանությունը՝ Տաթև Ֆռանգյանի
