15.03.2026 | 16:59
«Վեոլիա Ջուրը» պատասխանատվության կենթարկվի Հրազդան գետի վրայով անցնող կոյուղատարի ջրթող փականը բացելու համար
ՌԴ-ի և Ադրբեջանի հարաբերությունները դրական են զարգանում․ Պուտինը՝ Ալիևին
Քաղաքականություն
08.10.2024 | 15:22
Ռուսաստանի և Ադրբեջանի հարաբերությունները դրական են զարգանում։ Այս մասին հայտարարել է ՌԴ նախագահ Վլադիմիր Պուտինն Ադրբեջանի իր պաշտոնակից Իլհամ Ալիևի հետ հանդիպմանը։
«Ցանկանում եմ անմիջապես նշել, որ հարաբերությունները դրական են զարգանում։ Մենք դա նշել ենք Ադրբեջան կատարած այցի ժամանակ։ Ապրանքաշրջանառությունը կազմում է ավելի քան 4-4,3 միլիարդ դոլար, մեր ուղղակի ներդրումներն Ադրբեջանի տնտեսության մեջ ավելի քան չորս միլիարդ են։ Շատ լավ հետաքրքիր նախագծեր են իրականացվում ինչպես էներգետիկայի, այնպես էլ ենթակառուցվածքների զարգացման ոլորտում։ Դրանք բոլորը խոստումնալից են, իրական, կենդանի նախագծեր են՝ և՛ երկկողմ, և՛ բազմակողմ»,- նշել է Պուտինը։
Նա նաև Ալիևին անձամբ է հրավիրել ԲՐԻԿՍ-ի գագաթնաժողովին՝ նշելով, որ նրան սպասում են Կազանում:
«Մենք ձեզ սպասում ենք Կազանում հոկտեմբերի 23-24-ը»,- ասել է Պուտինը։
Թարգմանությունը՝ Էմմա Չոբանյանի
