13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Վրաստանի հարցն այսօր կքննարկվի Եվրախորհրդարանում
Քաղաքականություն
08.10.2024 | 14:28
Վրաստանի հարցը կքննարկվի այսօր Եվրախորհրդարանի լիագումար նիստում։ Հայտարարությամբ հանդես կգա Եվրամիության բարձր ներկայացուցիչ, Եվրահանձնաժողովի փոխնախագահ Ժոզեպ Բորելը։ Քննարկման թեման է «Ժողովրդավարական նահանջ և սպառնալիքներ քաղաքական բազմակարծությանը Վրաստանում», փոխանցում է Գրուզիա օնլայնը։
Եվրախորհրդարանի կայքում հրապարակված տեղեկատվության համաձայն՝ ԵԽ պատգամավորները Ժոզեպ Բորելի հետ միասին կքննարկեն Վրաստանում ժողովրդավարության վատթարացումը՝ նախքան հինգշաբթի նախատեսված այս հարցի վերաբերյալ բանաձևի քվեարկությունը։
«Մինչ երկիրը պատրաստվում է հոկտեմբերի 26-ին կայանալիք խորհրդարանական ընտրություններին՝ մտահոգություններ են առաջացել իշխող «Վրացական երազանք» կուսակցության ավտորիտար քաղաքականության վերաբերյալ, հատկապես, կապված ԶԼՄ-ների ազատության և ԼԳԲՏՔ+ իրավունքների հետ: Չնայած 2023 թվականի դեկտեմբերին Վրաստանը ստացել է ԵՄ թեկնածուի կարգավիճակ՝ կուսակցությունը բախվել է քննադատության՝ ժողովրդական ցույցերը ճնշելու և օրենք ներմուծելու համար, որն Արևմուտքի կողմից ֆինանսավորվող լրատվամիջոցներն և ՀԿ-ներն անվանում է «օտարերկրյա գործակալներ»: Եթե «Վրացական երազանքը» զգալի մեծամասնություն ստանա գալիք ընտրություններում, մտավախություն կա, որ Վրաստանում բազմակուսակցական համակարգը և քաղաքական բազմակարծությունն ավելի մեծ վտանգի տակ կհայտնվեն»,- ասվում է Եվրախորհրդարանի հայտարարության մեջ։
Թարգմանությունը՝ Տաթև Ֆռանգյանի
