13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
ԿԺԴՀ-ն կարող է ռազմական անձնակազմ ուղարկել Ուկրաինա՝ ՌԴ-ին աջակցելու. Հարավային Կորեայի ՊՆ ղեկավար
Քաղաքականություն
08.10.2024 | 17:19
Հարավային Կորեայի պաշտպանության նախարար Կիմ Յոնգ Հյունը հայտարարել է, որ ԿԺԴՀ-ն կարող է իր կանոնավոր զորքերն ուղարկել Ուկրաինա՝ Ռուսաստանին աջակցելու համար։ Որպես փաստարկ՝ նա հիշեցրել է Մոսկվայի և Փհենյանի ստորագրած Համապարփակ ռազմավարական գործընկերության պայմանագիրը։
«Քանի որ Ռուսաստանը և Հյուսիսային Կորեան փոխադարձ համաձայնագիր են ստորագրել, որը նման է ռազմական դաշինքի, նման տեղակայման հավանականությունը շատ մեծ է»,- ասել է Կիմը խորհրդարանում ելույթի ժամանակ, փոխանցում է Yonhap լրատվական գործակալությունը:
Հունիսին ՌԴ նախագահ Վլադիմիր Պուտինի՝ ԿԺԴՀ կատարած այցի ժամանակ Մոսկվան և Փհենյանը ստորագրեցին Համապարփակ ռազմավարական գործընկերության համաձայնագիրը։ Փաստաթուղթը փոխարինել է Ռուսաստանի Դաշնության և ԿԺԴՀ-ի միջև 2000 թվականի փետրվարի 9-ի Բարեկամության, բարիդրացիության և համագործակցության պայմանագրին:
Նոր պայմանագիրն ունի անսահմանափակ ժամկետ, այն ենթակա է վավերացման և ուժի մեջ կմտնի վավերագրերի փոխանակման օրվանից։
Պայմանագրի չորրորդ հոդվածը սահմանում է, որ եթե կողմերից մեկը ենթարկվի հարձակման և հայտնվի պատերազմական իրավիճակում, ապա մյուս կողմն անմիջապես կցուցաբերի ռազմական և այլ օգնություն։
Թարգմանությունը՝ Տաթև Ֆռանգյանի
