13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Ադրբեջանի նորընտիր Մեջլիսում Ֆրանսիայի հետ միջխորհրդարանական հարաբերությունների աշխատանքային խումբ չի ստեղծվել
Քաղաքականություն
08.10.2024 | 14:05
Ադրբեջանի նորընտիր Միլլի Մեջլիսը, որը ձևավորվել է սեպտեմբերի 1-ի արտահերթ խորհրդարանական ընտրությունների արդյունքում, Ֆրանսիայի հետ միջխորհրդարանական հարաբերությունների աշխատանքային խումբ չի ստեղծել, գրում են տեղական լրատվամիջոցները։
Նշվում է, որ այսօր Միջազգային հարաբերությունների և միջխորհրդարանական հարաբերությունների խորհրդարանական հանձնաժողովի նիստում քննարկման է ներկայացվել «Ադրբեջանի Միլլի Մեջլիսի միջխորհրդարանական հարաբերությունների աշխատանքային խմբերի ղեկավարների ընտրության մասին» որոշման նախագիծը։
Ֆրանսիայի հետ միջխորհրդարանական հարաբերությունների աշխատանքային խումբ ստեղծելու հարցը ներառված չէ որոշման նախագծում, որն առաջարկվում է ներկայացնել խորհրդարանի այսօրվա լիագումար նիստին։
Հարկ է նկատել, որ Ֆրանսիայի հետ հարաբերությունների աշխատանքային խումբը վերջին նիստում դադարեցրել էր գործունեությունը։
Հավելենք, որ Փարիզի հետ լարված հարաբերությունների ֆոնին Բաքուն պետական մակարդակով հակաֆրանսիական քաղաքականություն է վարում։ Օրերս Ադրբեջանում հերթական հակաֆրանսիական միջոցառումն է անցկացվել։
Թարգմանությունը՝ Էմմա Չոբանյանի
