30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Իսրայելը չի հարվածի Իրանի միջուկային օբյեկտներին․ NYT
Քաղաքականություն
08.10.2024 | 13:41
Իսրայելը, ամենայն հավանականությամբ, որպես պատասխան՝ հարված չի հասցնի Իրանի միջուկային օբյեկտներին, փոխարենը կենտրոնանա ռազմական օբյեկտների վրա։ Այս մասի գրում է New York Times-ը՝ վկայակոչելով իսրայելցի նախկին և ներկա բարձրաստիճան պաշտոնյաներին:
«Հավանական է, որ Իսրայելի առաջին հարվածն Իրանին՝ ի պատասխան երեքշաբթի օրվա հրթիռակոծության, կկենտրոնանա ռազմական բազաների և, հնարավոր է, հետախուզական ու հրամանատարական կենտրոնների վրա։ Իսրայելը, առնվազն սկզբում, ամենայն հավանականությամբ, չի թիրախավորի [Իրանի] ամենանշանակալի միջուկային օբյեկտները»,- գրում է պարբերականը։
Ըստ աղբյուրի՝ Իսրայելը, ըստ երևույթին, որոշել է միջուկային օբյեկտները որպես թիրախ պահել ապագայի համար, եթե Իրանը հակամարտությունն է՛լ ավելի սրի։
Հոկտեմբերի 1-ին Իրանը պատմության մեջ երկրորդ անգամ զանգվածային հրթիռակոծության ենթարկեց Իսրայելը՝ այն անվանելով ինքնապաշտպանության ակտ։ Իսրայելական բանակի հայտնած տեղեկությունների համաձայն՝ արձակվել է մոտ 180 բալիստիկ հրթիռ, որոնցից շատերը խոցվել են։
Թարգմանությունը՝ Տաթև Ֆռանգյանի
