21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Օդեսան բալիստիկ հրթիռներով հարվածի է ենթարկվել․ կա 1 զոհ, 5 վիրավոր
Քաղաքականություն
08.10.2024 | 11:52
Ուկրաինական Օդեսայում նավահանգստային ենթակառուցվածքի վրա ռուսական հարձակման հետևանքով առնվազն մեկ մարդ է զոհվել, հինգը վիրավորվել, հայտնել է շրջանային ռազմական վարչակազմի ղեկավար Օլեգ Կիպերը, փոխանցում է BBC-ի ռուսական ծառայությունը։
«Հակառակորդը բալիստիկ հրթիռներով հարվածել է Օդեսային։ Ագրեսորի թիրախը դարձել է նավահանգստային ենթակառուցվածքը։ Թշնամու բալիստիկ հրթիռը խոցել է Պալաուի դրոշի ներքո նավարկող քաղաքացիական նավը։ 60-ամյա ուկրաինացին, որը մասնավոր բեռնափոխադրող ընկերության աշխատակից է, մահացել է։ Տուժել է 5 օտարերկրյա քաղաքացի։ Նրանցից 4-ի վիճակը միջին ծանրության է, մեկինը՝ թեթև։ Այժմ նրանք ստանում են անհրաժեշտ բուժօգնություն»,- գրել է նա Տելեգրամում։
Կիպերի խոսքով՝ ռուսական զորքերը փորձում են խաթարել ուկրաինական հացահատիկային միջանցքի աշխատանքը։
Վերջին մի քանի օրվա ընթացքում սա Օդեսայի շրջանի նավահանգիստներում քաղաքացիական նավի վրա երկրորդ հարձակումն է։
Թարգմանությունը՝ Տաթև Ֆռանգյանի
