06.12.2025 | 16:31
Ինչ եղանակ է սպասվում առաջիկա օրերին
Պուտինի օգնականը հայտարարել է, թե ԱՄՆ-ն ու Արևմուտքը փորձում են «սողոսկել» Հարավային Կովկաս
Քաղաքականություն
07.10.2024 | 20:11
ԱՄՆ-ն ու արևմտյան մյուս երկրները փորձում են միջամտել Հարավային Կովկասի գործերին՝ Ռուսաստանի ակտիվ մասնակցությամբ արդեն իսկ նախապատրաստված կարգավորման գործընթացին մասնակցելու պատրվակով։ Այս մասին ճեպազրույցում նշել է ՌԴ նախագահ Վլադիմիր Պուտինի օգնական Յուրի Ուշակովը, գրում է ՏԱՍՍ-ը։
«ԱՄՆ-ն ու մի շարք այլ արևմտյան երկրներ փորձում եմ սողոսկել Հայաստանի և Ադրբեջանի միջև խաղաղության պայմանագրի ուղղությամբ գործընթաց։ Մենք գտնում ենք, որ սև աշխատանքը կատարվել է Մոսկվայում, և հիմա Արևմուտքը ցանկանում է մտնել բանակցությունների գործընթաց՝ այդպիսով մտնելով տարածաշրջանային գործերի մեջ ու հենց տարածաշրջան»,- հայտարարել է Ուշակովը։
Նա կրկին դժգոհել է նաև Հայաստանում ԵՄ քաղաքացիական դիտորդական առաքելությունից։
«Մեղմ ասած, նույնիսկ երկկողմ բանակցություններում Հայաստանի և Ադրբեջանի միջև ոչ բոլոր մասնակիցներն են ողջունում Արևմուտքի այս դերը և բանակցային գործընթացին միջամտելու փորձերը։ Եվրամիության առաքելության գործունեությունը Հայաստանում նույնպես չի ողջունվում։ Այս առաքելությունը, ցավոք, ավելանում է»,- ասել է Կրեմլի ներկայացուցիչը։
Թարգմանությունը՝ Էմմա Չոբանյանի
