22.06.2026 | 13:44
Իրանի ֆուտբոլի հավաքականը հանդերձարանում շնորհակալական նամակ է թողել Աշխարհի առաջնությունը հյուրընկալող Լոս Անջելեսին
Էրդողանը զանգահարել է Պուտինին․ կողմերը երկկողմ ու միջազգային հարցեր են քննարկել
Քաղաքականություն
07.10.2024 | 20:51
Թուրքիայի նախագահ Ռեջեփ Թայիփ Էրդողանը զանգահարել և շնորհավորել է ՌԴ նախագահ Վլադիմիր Պուտինին ծննդյան օրվա առթիվ։ Այս մասին հայտնում է Կրեմլի մամուլի ծառայությունը, գրում է ՌԻԱ Նովոստին։
«Թուրքիայի նախագահ Ռեջեփ Թայիփ Էրդողանը հեռախոսազրույցում ջերմորեն շնորհավորել է ՌԴ նախագահ Վլադիմիր Պուտինին ծննդյան օրվա առթիվ»,- ասվում է հաղորդագրության մեջ։
Պուտինն ու Էրդողանը վերահաստատել են Կազանում ԲՐԻԿՍ-ի գագաթնաժողովի միջոցառումների ժամանակ առանձին հանդիպում անցկացնելու պայմանավորվածությունը։
Նշվում է, որ երկու երկրների նախագահները քննարկել են երկկողմ և միջազգային արդի թեմաներ, այդ թվում՝ Մերձավոր Արևելքում իրավիճակի վտանգավոր զարգացումները։ Նրանք նաև գոհունակություն են հայտնել Ռուսաստանի Դաշնության և Թուրքիայի միջև հարաբերությունների կառուցողական բնույթի և հետագա սերտ փոխգործակցության պատրաստակամության կապակցությամբ։
Թարգմանությունը՝ Էմմա Չոբանյանի
