16.02.2026 | 23:24
Այրվել են պահեստային բաքերը և բեռնատար մեքենա. մանրամասներ Թալինի գազալցակայաններից մեկում բռնկված հրդեհից
Լաչինը և Մեղրին ԱՊՀ մշակութային մայրաքաղաքներ կդառնան․ Լավրով
Քաղաքականություն
07.10.2024 | 19:33
ՌԴ ԱԳ նախարար Սերգեյ Լավրովը ԱՊՀ երկրների ԱԳ նախարարների խորհրդի նիստին հաջորդած մամուլի ասուլիսում հայտարարել է, թե վաղվա ԱՊՀ նիստում ինչ փաստաթղթեր են դիտարկելու կազմակերպության անդամ երկրների ղեկավարները։
«Առանձին որոշմամբ առաջարկվում է հաստատել ԱՊՀ մշակութային մայրաքաղաքները․ հաջորդ տարի դա կլինի ադրբեջանական Լաչինը, 2026 թվականին՝ հայկական Մեղրին, իսկ 2027 թվականին՝ բելառուսական Մոլոդեչնոն»,- ասել է Լավրովը։
Նա նշել է, որ քննարկման է ներկայացվելու նաև կոչի նախագիծ՝ ուղղված Համագործակցության ժողովուրդներին և միջազգային հանրությանը՝ Երկրորդ համաշխարհային պատերազմում տարած հաղթանակի գալիք 80-ամյակի կապակցությամբ։ Դիտարկվելու է նաև արմատականացման դեմ պայքարի նախագիծը, մի շարք որոշումներ են կայացվելու իրավապահ մարմինների համագործակցության ոլորտում։ Լավրովն ասել է, որ ակնկալվում է արհեստական բանականության ոլորտում բովանդակային կապերի և փոխգործակցության հաստատման փաստաթղթի ընդունում։
Թարգմանությունը՝ Էմմա Չոբանյանի
