18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Պուտինն այսօր երեկոյան ոչ պաշտոնական զրույց կունենա ԱՊՀ երկրների ղեկավարների հետ
Քաղաքականություն
07.10.2024 | 16:55
ՌԴ նախագահ Վլադիմիր Պուտինը երկուշաբթի ոչ պաշտոնական զրույց կունենա ԱՊՀ երկրների ղեկավարների հետ, հայտնել է նախագահի մամուլի քարտուղար Դմիտրի Պեսկովը, փոխանցում է Լենտան։
«Երեկոյան նախագահը ոչ պաշտոնական շփում կունենա ԱՊՀ երկրների պետությունների և կառավարությունների ղեկավարների հետ, որոնք կժամանեն Մոսկվա՝ մասնակցելու վաղը կայանալիք ԱՊՀ պետությունների ղեկավարների խորհրդի նիստին»,- լրագրողներին ասել է Պեսկովը։
Բացի այդ, Պեսկովը հայտնել է, որ երկուշաբթի ՌԴ նախագահի օգնական Յուրի Ուշակովը հանդես կգա հատուկ ճեպազրույցով, որտեղ կխոսի բոլոր առաջնահերթությունների և հարցերի մասին, որոնք նախատեսված են քննարկել վաղը կայանալիք միջոցառմանը։
Հոկտեմբերի 8-ին Մոսկվայում տեղի կունենա ԱՊՀ պետությունների ղեկավարների խորհրդի նիստը, որին կմասնակցի նաև ՀՀ վարչապետ Նիկոլ Փաշինյանը։
Թարգմանությունը՝ Տաթև Ֆռանգյանի
