30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ԱՄՆ-ն Իսրայելին փոխհատուցում է առաջարկել իրանական օբյեկտների վրա հարձակվելուց հրաժարվելու համար․ Kan
Քաղաքականություն
07.10.2024 | 23:16
ԱՄՆ նախագահ Ջո Բայդենի վարչակազմն Իսրայելին առաջարկել է լայն դիվանագիտական աջակցության և լրացուցիչ ռազմական օգնության «փոխհատուցման փաթեթ»՝ Իրանի որոշ օբյեկտների վրա հարձակումից հրաժարվելու համար։ Ըստ Kan-ի՝ ԱՄՆ-ի և Իսրայելի պաշտոնյաներն այդ հարցը քննարկել են վերջին մի քանի օրվա ընթացքում:
Իսրայելցի անանուն պաշտոնյան Kan-ին ասել է, որ Իսրայելը «միշտ հաշվի է առնում ԱՄՆ-ի դիրքորոշումը», սակայն կանի այն ամենը, ինչ անհրաժեշտ է քաղաքացիներին և երկրի անվտանգությունը պաշտպանելու համար։
Թե իրանական որ օբյեկտներն է ԱՄՆ-ն հորդորել չգրոհել, չի նշվում։ ԱՄՆ նախագահ Ջո Բայդենն անցյալ շաբաթվա վերջին ասել էր, որ խորհուրդ չի տվել իսրայելական իշխանություններին հարձակվել Իրանի նավթային օբյեկտների վրա։
CNN-ը հայտնել է, որ Իսրայելի իշխանությունները երաշխիքներ չեն տվել ԱՄՆ վարչակազմին, որ նրանք չեն հարձակվի Իրանի միջուկային ենթակառուցվածքի վրա։
Մինչդեռ Իսրայելի պաշտպանության նախարար Յոավ Գալանտը հայտարարել է, որ որպես հարձակման թիրախ «քննարկվում են բոլոր տարբերակները»։ Իսրայելը դիտարկում է Թեհրանի էներգետիկ և միջուկային օբյեկտներին հարվածներ հասցնել՝ ի պատասխան հոկտեմբերի 1-ին Իրանի հրթիռային հարձակման։
Թարգմանությունը՝ Տաթև Ֆռանգյանի
