06.12.2025 | 22:41
Պետք է շարունակենք մեր ծառայությունը բերել մեր ժողովրդին. Գարեգին Բ-ն` Փաշինյանի քայլերի մասին. ՏԵՍԱՆՅՈՒԹ
Հոսանքազրկում WCIT-ի պանելային քննարկման ժամանակ․ շինարարը վնասել է մալուխները
07.10.2024 | 13:02
Հայաստանում անցկացվում է WCIT նորարարության և տեխնոլոգիաների համաշխարհային հոբելյանական 25-րդ համագումարը, որի շրջանում պանելային քննարկումներից մեկի ժամանակ Կարեն Դեմիրճյանի անվան մարզահամերգային համալիրը հոսանքազրկվել է: Այս մասին գրառումներ և լուսանկարներ են տարածվում սոցիալական ցանցերում։
Նախնական տվյալներով համալիրը հոսանքազրկվել է, քանի որ շինարարի կողմից վնասվել է սնուցող մալուխները, այս մասին Factor.am-ին պարզաբանեցին Հայաստանի էլեկտրական ցանցեր ընկերությունից։
««Շինվեկտոր» ընկերությունը համալիրի շրջակայքում կառուցապատում է իրականացնում, և շինարարներից մեկն աշխատանքների ընթացքում ՀԷՑ-ի երկու մալուխները, որոնք սնում եմ համալիրը, կտրել է։ Այս ամենի վերաբերյալ առաջիկայում պարզաբանմամբ հանդես կգանք»,- մանրամասնեցին ՀԷՑ-ից։
Հավելենք, որ միջոցառումն անցկացվում է ԲՏԱ նախարարության անմիջական համակարգմամբ։ WCIT 2024/ DIGITEC-ը մեկտեղում է անվանի խոսնակների ելույթներ, պանելային քննարկումներ, B2B հանդիպումներ, նորարարական ցուցադրություններ, բիզնես շնորհանդեսներ, սեմինարներ, այլ միջոցառումներ։
Հիշեցնենք նաև, որ վերջին շրջանում դժգոհությունները շատ են էլեկտրական անջատումների վերաբերյալ։ Վերջերս ԱԺ-ում «Քաղաքացիական պայմանագիր» խմբակցության պատգամավորները քննարկում էին կազմակերպել՝ ՀԷՑ-ի աշխատանքի, էլեկտրական անջատումների խնդիրների շուրջ։
Մանյա Պողոսյան
