21.01.2026 | 23:30
Ինչ իրավիճակ է Հայաստանի ճանապարհներին և Լարսում
«Բժիշկն ասաց, եթե կես ժամ էլ ստեղ մնա ինքն էլ կմեռնի». ՊՊԾ գնդի գրավման ժամանակ տուժած ոստիկանի ցուցմունքից
Հասարակություն
12.09.2018 | 15:56
Շարունակվում է «Սասնա ծռեր» խմբի տասը անդամների գործով դատական նիստը: Տուժող ճանաչված ոստիկաններն այսօր ցուցմունք են տալիս դատարանում:
Ոստիկաններից Տիգրան Դանիելյանն ասաց, որ ծռերը ներխուժել են ՊՊԾ գունդ և սկսվել է կրակահերթ. «Սեռական բնույթի հայհոյանքներ էին տալիս, կրակահերթ սկսվեց, զգացի, որ ուզում են փխեն ինձ»:
Տուժողն ասաց, որ կրակահերթի ընթացքում վայր է ընկել, վնասել ուսը, երբ շտապօգնություն է եկել գնդի տարածք, բժիշկներն ասել են` եթե կես ժամ էլ էստեղ մնա ինքն էլ կմեռնի. «Ես էլ վեր կացա ասացի` կրակում եք կրակեք, ես գնում եմ ու գնացի առանց խոչընդոտի դուրս եկանք ու ինձ տարան «Էրեբունի» բժշկական կենտրոն»,- ասաց ոստիկանը:
Նրա խոսքով` գնդի ներսում գտնվելու ժամանակ, սակայն, զենքի սպառնալիքի տակ թույլ չեն տվել իրեն ազատ տեղաշարժվել: Պատմեց նաև, որ ներսում գտնվելու ժամանակ օգնություն է ցուցաբերել այդ ժամանակ դեռ վիրավոր Գագիկ Մկրտչյանին. «Աջ ձեռքն էր վիրավոր, արնահոսում էր, ջիլը ոնց որ պոկված կախված լիներ: Օգնեցի ձեռքը կապել: Հետո, որ իրավիճակը հանդարտվեց իրանցից մեկը (նկատի ունի «Սասնա ծռերին») օգնեց ժգուտով կապել ձեռքը»:
