21.01.2026 | 23:30
Ինչ իրավիճակ է Հայաստանի ճանապարհներին և Լարսում
Պուտինը Ճապոնիային առանց նախապայմանների հաշտության կոչ է արել
Քաղաքականություն
12.09.2018 | 16:15
ՌԴ նախագահ Վլադիմիր Պուտինը Արևելյան տնտեսական ֆորումի ժամանակ առաջարկել է Ճապոնիային հաշտության պայմանագիր կնքել մինչ տարվա ավարտը՝ առանց նախապայմանների, տեղեկացնում է Tass-ը:
«Եկեք հաշտության պայմանագիր կնքենք մինչ տարվա վերջ, առանց նախապայմանների: Դրանից հետո մենք բոլոր հակասություններին լուծում կտանք արդեն որպես ընկերներ: Ինձ թվում է, որ այդ պայմանագրի շնորհիվ մենք կկարողանանք հանգուցալուծել այն բոլոր հարցերը, որոնք արդեն 70 տարի չեն լուծվում»,- ասել է Պուտինը Ճապոնիայի վարչապետին:
«Ճապոնիայի կառավարությունը մտադիր է բանակցություններ վարել Ռուսաստանի հետ հաշտության պայմանագրի վերաբերյալ՝ տարածքային խնդիրները լուծելուց հետո: Այս դիրքորոշումը մնացել է անփոփոխ»,- ասել է Ճապոնիայի Արտաքին գործերի նախարարությունը:
«Մենք վճռական ենք շարունակելու բանակցությունները Ռուսաստանի հետ՝ մեր քաղաքականությանը համաձայն, միևնույն ժամանակ լուծել չորս հյուսիսային՝ Կուրիլյան կղզիների սեփականության հարցը: Այդ հարցում մեր դիրքորոշումը մնացել է անփոփոխ»,- հայտնել են նախարարությունից:
