20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
Տուգանքների համաներման մասին խոսակցություններն իրականություն չդարձան․ Վահե Պետրոսյան․ ՏԵՍԱՆՅՈՒԹ
Քաղաքականություն
12.09.2018 | 16:42
Ճանապարհային երթևեկության կարգն ու կանոնը վերահսկելու համար դեռևս 2011 թվականից տեղադրված տեսախցիկներն ու արագաչափերը տվել են ինչպես դրական, այնպես էլ բացասական արդյունք․ եթե դրանցով ՃՈ-ն հնարավորություն է ունեցել բացահայտել և շատ արագ գտնել օրինազանց վարորդներին, մյուս կողմից կա նաև հակառակ բևեռը՝ այդ խախտումների համար սահմանվել են ոչ ճիշտ տուգանքներ և ստացվում էր, որ այս տեսախցիկների նպատակը կոնկրետ փող աշխատելն է եղել՝ դրանք ներդնողների կողմից։
Այս մասին այսօր հրավիրված մամուլի ասուլիսի ժամանակ ասաց Ավտովարորդների պաշտպանության լիգայի անդամ Վահե Պետրոսյանը և շեշտեց․ «Հեղափոխությունից հետո և առաջ սկսեցին շատ խոսել, որ այդ սարքավորումները չեն արդարացնում իրենց և եղան նաև տուգանքների համաներման մասին խոսակցություններ։ Մենք սպասում էինք փոփոխությունների, որոնք, սակայն, տեղի չունեցան։ Ընդհակառակն՝ ավելի մեծ քանակի տեսախցիկներ են ավելացել, և եթե պետք է այդ ամենը նույնը մնա, սատցվում է երթևեկությանն ավելի շատ վնաս են դրանցով հասցնելու, քան օգուտ»: Պետրոսյանն ապա ընդգծեց, որ լավ վարորդներ ունենալու համար ոչ թե պետք է տեսախցիկների քանակն ավելացնել, այլ կրթել վարորդներին, իսկ եթե նրանց կրթական ցենզը չի համապատասխանում, պետք է պարզապես նրանց զրկել վարորդական իրավունքից։
Ավտովարորդների պաշտպանության լիգայի մեկ այլ անդամ Մխիթար Օհանյանն էլ նշեց, որ տեսախցիկներով պարզապես վերահսկում են մարդկանց շարժը, իսկ նոր ավելացվող տեսախցիկները պետք է հեռացնել՝ վարորդների նկատմամբ լրացուցիչ վերահսկողություն չսահմանելու համար։
Մանրամասները՝ տեսանյութում։
