22.01.2026 | 17:35
Թրամփը Դավոսում հիմնել է իր կողմից ղեկավարվող Խաղաղության խորհուրդը
Իրանը կթիրախավորի իսրայելական էներգետիկ բոլոր աղբյուրները, եթե Իսրայելը սխալներ թույլ տա․ ԻՀՊԿ-ի հրամանատարի տեղակալ
Քաղաքականություն
04.10.2024 | 20:12
Իրանի Իսլամական հեղափոխության պահապանների կորպուսի (ԻՀՊԿ) հրամանատարի տեղակալը հայտարարել է, որ եթե Իսրայելը սխալվի, Թեհրանը կթիրախավորի իսրայելական էներգիայի բոլոր աղբյուրները, կայանները, նավթավերամշակման գործարաններն ու գազի հանքավայրերը, գրում է Mehr գործակալությունը։
«Եթե օկուպանտները սխալվեն, մենք թիրախավորելու ենք նրանց էներգիայի բոլոր աղբյուրները, կայանները, բոլոր նավթավերամշակման գործարաններն ու գազի հանքավայրերը»,- ասել է բրիգադի գեներալ Ալի Ֆադավին։
Նա հավելել է՝ «Իրանը մեծ և ընդարձակ երկիր է՝ բազմաթիվ տնտեսական կենտրոններով, մինչդեռ Իսրայելն ունի 3 էլեկտրակայան և մի քանի նավթավերամշակման գործարան»։
«Մենք կարող ենք միաժամանակ հարձակվել դրանց վրա»,- հայտարարել է իրանցի բարձրաստիճան զինվորականը։
Թարգմանությունը՝ Էմմա Չոբանյանի
