08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ԵՄ իշխանությունները չեղարկել են Վրաստանի ղեկավարության հետ բոլոր հանդիպումները․ դեսպան
Քաղաքականություն
04.10.2024 | 18:43
ԵՄ կառույցները որոշել են դադարեցնել բոլոր բարձր մակարդակի հանդիպումները վրացական իշխանությունների ներկայացուցիչների հետ, ասել է ԵՄ դեսպան Պավել Հերչինսկին, փոխանցում է Գրուզիա օնլայնը։
Նա պարզաբանել է, որ ԵՄ-ն որոշել է բարձր մակարդակի այցեր չկատարել Վրաստան և չանցկացնել բարձր մակարդակի հանդիպումներ Բրյուսելում վրացական իշխանությունների ներկայացուցիչների հետ՝ Եվրամիության հետ կապված վրացական իշխանությունների հռետորաբանության պատճառով։
«Արդեն այս տարվա հունիսին մենք ներքին քննարկում ենք ունեցել մեր անդամ երկրների հետ, թե ինչպես արձագանքել Վրաստանի իշխանությունների վերաբերմունքին, որը մենք համարում ենք ԵՄ-ի նկատմամբ ոչ բարեկամական։ Մենք նաև քննարկեցինք, թե ինչպես պետք է մոտենանք հակաարևմտյան և հակաեվրոպական նարատիվին, քարոզչությանը և դավադրության տեսությանը, և որպես ԵՄ՝ որոշեցինք բարձր մակարդակի շփումներ չունենալ Վրաստանի գործող կառավարության հետ։ Այդ պատճառով վերջին ամիսներին Վրաստան բարձր մակարդակի այցեր, Բրյուսելում վրացական իշխանությունների ներկայացուցիչների հետ բարձր մակարդակի հանդիպումներ չեն եղել։ Եվս մեկ անգամ կրկնում եմ՝ Եվրամիության կառույցները որոշել են դադարեցնել բոլոր բարձր մակարդակի հանդիպումները վրացական իշխանությունների ներկայացուցիչների հետ»,- ասել է Պավել Հերչինսկին։
Թարգմանությունը՝ Տաթև Ֆռանգյանի
