07.10.2026 | 23:48
Արթուր Դանիելյանը կալանավորվեց
Պեսկովը հայտարարել է, թե Կիևը շարունակում է կրակի հետ խաղալ՝ սպառնալով Կուրսկի ԱԷԿ-ի անվտանգությանը
Քաղաքականություն
04.10.2024 | 22:19
Ռուսաստանը տեղեկացնում է ՄԱԳԱՏԷ-ի ներկայացուցիչներին Կուրսկի ատոմակայանի վրա հարձակվելու՝ Ուկրաինայի փորձերի մասին։ Կոմերսանտի փոխանցմամբ՝ այս մասին ասել է ՌԴ նախագահի մամուլի քարտուղար Դմիտրի Պեսկովը։
Մեկնաբանելով ՄԱԳԱՏԷ-ի ղեկավար Ռաֆայել Գրոսիի խոսքերը ՌԴ նախագահ Վլադիմիր Պուտինի հետ հնարավոր հանդիպման մասին՝ Կրեմլի խոսնակն ասել է, որ պետության ղեկավարը դեռ նման ծրագրեր չունի։
«Կիևը շարունակում է կրակի հետ խաղալ։ ՄԱԳԱՏԷ-ի հետ մեր շփումներում մենք մեր դիրքորոշումը ներկայացնում ենք գործակալության ներկայացուցիչների ուշադրությանը»,- ասել է Պեսկովը։
Հոկտեմբերի 3-ին Կուրչատով քաղաքի մոտ, որտեղ գտնվում է Կուրսկի ատոմակայանը, անօդաչու թռչող սարք է խոցվել։ Դրա անկումից ու պայթյունից հետո կայանից մի քանի կիլոմետր հեռավորության վրա հրդեհ է բռնկվել։ Ատոմակայանի մամուլի ծառայությունից հայտնել են, որ կայանն աշխատում է նորմալ, ֆոնային ճառագայթումը նորմայի սահմաններում է։
Զոհերի և ավերածությունների մասին տեղեկություններ չեն հաղորդվում։
Թարգմանությունը՝ Տաթև Ֆռանգյանի
