08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Զապորոժիեի ԱԷԿ-ի աշխատակից է մահացել ականապատված մեքենայի պայթյունից
Քաղաքականություն
04.10.2024 | 16:02
Էներգոդարում մահացել է Ռուսաստանի կողմից վերահսկվող ուկրաինական Զապորոժիեի ատոմակայանի անվտանգության բաժնի պետը՝ իր մեքենայում ինքնաշեն պայթուցիկ սարքի գործարկման հետևանքով։ Այս մասին Telegram-ում հրապարակված հաղորդագրությամբ հայտնել է ՌԴ Քննչական կոմիտեն (ՔԿ), փոխանցում է DW-ի ռուսական ծառայությունը:
Ռուսաստանի կողմից նշանակված Զապորոժիեի շրջանի «նահանգապետ» Եվգենի Բալիցկին հայտնել է զոհի անունը՝ «քաղաքային խորհրդի պատգամավոր» Անդրեյ Կորոտկի։ Առանց ապացույցներ ներկայացնելու՝ Բալիցկին կատարվածի համար մեղադրել է Կիևին։
ՌԴ Քննչական կոմիտեն հայտնել է, որ քրեական գործ է հարուցվել սպանության դեպքի առթիվ։
Մեքենան, որում, ըստ քննիչների, տեղադրված է եղել պայթուցիկ սարք, կայանված է եղել Էներգոդար քաղաքի Կաշտանով բուլվարում։
«Երբ տղամարդը նստել է մեքենան, պայթուցիկը գործարկվել է։ Ստացած վնասվածքներից տուժածը մահացել է հիվանդանոցում»,- ասվում է ռուսական գերատեսչության հաղորդագրության մեջ։
Թարգմանությունը՝ Տաթև Ֆռանգյանի
