07.10.2026 | 16:04
Ադրբեջանն Ուկրաինային հերթական մարդասիրական օգնությունն է ուղարկել
Ադրբեջանում Գերմանիայի դեսպանը Բաքվին ու Երևանին կոչ է արել անցնել «խաղաղության համաձայնագրի ճանապարհի վերջին մղոնը»
Քաղաքականություն
04.10.2024 | 13:55
Ադրբեջանում Գերմանիայի դեսպան Ռալֆ Հորլեմանն անդրադարձել է Հայաստանի և Ադրբեջանի միջև խաղաղության գործընթացին։ Գերմանիայի խաղաղ վերամիավորման 34-րդ տարեդարձի կապակցությամբ դեսպանատանը կազմակերպված ընդունելության ժամանակ ունեցած ելույթում նա նշել է, որ առաջին իսկ օրվանից COP29-ը սերտորեն կապված է Ադրբեջանի և Հայաստանի միջև խաղաղության գործընթացի հետ։
«Մենք մեծ հույսեր ունենք, որ COP29-ը նաև կօգնի խաղաղություն հաստատել Հարավային Կովկասում։ Երբեք երկու երկրները [Ադրբեջանն ու Հայաստանը] այսքան մոտ չեն եղել խաղաղության համաձայնագրին։ Երկու կողմերն էլ համարձակ քայլեր են արել խաղաղության ուղղությամբ, և մենք կոչ ենք նրանց անցնել վերջին մղոնը խաղաղ համաձայնագրի ճանապարհին, որը միշտ ամենադժվարն է։ Գերմանիան նախկինի պես հավատարիմ է մնում այս գործընթացին աջակցելու հարցում»,- ասել է դեսպանը։
Ըստ դիվանագետի՝ Գերմանիան նաև հավատարիմ է Ադրբեջանի հետ հարաբերությունների խորացմանն ու ամրապնդմանը։
Թարգմանությունը՝ Էմմա Չոբանյանի
