08.10.2026 | 11:03
Նիկոլ Փաշինյանի ճեպազրույցը՝ ՈՒՂԻՂ
Ուկրաինան 12 CAESAR հրետանային համակարգ գնելու համաձայնություն է ձեռք բերել
Քաղաքականություն
04.10.2024 | 16:47
Ուկրաինան 12 CAESAR հրետանային համակարգ գնելու համաձայնություն է ձեռք բերել։ Այս մասին X-ում գրառմամբ հայտարարել է Ֆրանսիայի պաշտպանության նախարար Սեբաստիան Լըկորնյուն։ Նա նշել է, որ Կիևում արդյունաբերական ֆորումի ժամանակ համապատասխան պայմանագիր է ստորագրվել Ուկրաինայի և զենք արտադրող KNDS ընկերության միջև, գրում է BBC-ի ռուսական ծառայությունը։
«Մեր պաշտպանական արդյունաբերության արտադրական հզորությունների մեծացումն օգնում է աջակցել Ուկրաինային»,- գրել է նախարարը։
12 CAESAR ինքնագնաց հրետանային համակարգերի մատակարարումը կֆինանսավորի Ուկրաինան։ Ավելի վաղ հաղորդվում էր, որ Բելգիան կքննարկի 12 միլիոն եվրոյի չափով երեք CAESAR կայանք գնելու և Ուկրաինային փոխանցելու առաջարկը։
Թարգմանությունը՝ Տաթև Ֆռանգյանի
