11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Իրանի ԱԳ նախարարը չհայտարարված այցով Բեյրութում է
Քաղաքականություն
04.10.2024 | 13:10
Չնայած Իսրայելի սպառնալիքներին՝ Իրանի արտաքին գործերի նախարար Աբբաս Արաղչին ժամանել է Լիբանանի մայրաքաղաք Բեյրութ, գրում է իրանական Mehr-ը։
«Մենք հենց նոր վայրէջք կատարեցինք Բեյրութի միջազգային օդանավակայանում։ Մեր պատվիրակությունը՝ Իրանի արտգործնախարարի գլխավորությամբ, երկու պատգամավորների և Կարմիր մահիկի ընկերության ղեկավարի ուղեկցությամբ, կհանդիպի Լիբանանի բարձրաստիճան պաշտոնյաների հետ»,- X-ի միկրոբլոգում գրել է Իրանի ԱԳՆ խոսնակը։
Նա հավելել է, որ 10 տոննա պարեն ու դեղորայք պարունակող բեռը Իրանի մարդասիրական օգնության շրջանակում կտեղափոխվի Լիբանան։
«Իրանն անդրդվելի է Լիբանանի խիզախ ժողովրդի հետ իր համերաշխության հարցում: Տարածաշրջանում բոլորը պետք է հասկանան Լիբանանի առջև ծառացած իրավիճակի լրջությունը և դրա հետևանքները մեր ազգերի ապագայի վրա»,- նշել է խոսնակ Էսմայիլ Բաղային։
Հաղորդվում է, որ Արաղչին հանդիպումներ է ունենալու Լիբանանի վարչապետ Նաջիբ Միքաթիի և խորհրդարանի նախագահ Նաբիհ Բըրրիի հետ։
Թարգմանությունը՝ Էմմա Չոբանյանի
