08.10.2026 | 21:20
Վարչապետն ԱՊՀ պետությունների ղեկավարների հետ այցելել է ազգային մշակույթի և ուտեստների փառատոն
ԱՀԿ-ն հավանություն է տվել կապիկի ծաղիկի հայտնաբերման թեստին
Քաղաքականություն
04.10.2024 | 13:15
Առողջապահության համաշխարհային կազմակերպությունը (ԱՀԿ) հավանություն է տվել արտակարգ իրավիճակների դեպքում կապիկի ծաղիկի ախտորոշման առաջին թեստին: ԱՀԿ-ն պարզաբանել է, որ վաղ ախտորոշումն ապահովում է ժամանակին բուժում և խնամք, ինչպես նաև վիրուսի տարածման վերահսկում։
Թեստն արտադրված է Abbott Molecular Inc.-ի կողմից։ Դրա օգտագործումը «կարևոր նշանակություն կունենա ախտորոշիչ կարողությունների ընդլայնման համար այն երկրներում, որտեղ հիվանդության բռնկման պատճառով արագ և ճշգրիտ թեստավորման անհրաժեշտությունը կտրուկ աճել է», ասվում է ԱՀԿ-ի մամուլի հաղորդագրության մեջ:
Կազմակերպությունը հավելել է, որ Աֆրիկայում վիրուսների դեպքերի փորձարկման հնարավորությունները մնում են սահմանափակ:
Օգոստոսին ԱՀԿ-ն վարակի բռնկումը հայտարարել էր հանրային առողջության արտակարգ իրավիճակ։ Ըստ Աֆրիկյան միության հիվանդությունների վերահսկման կենտրոնի՝ տարեսկզբից հոկտեմբերի 3-ի դրությամբ տարածաշրջանում գրանցվել է վիրուսից մահվան 866 դեպք։
Վարակման դեպքեր են գրանցվել նաև ԱՄՆ-ում, Իսպանիայում, Ֆրանսիայում, Մեծ Բրիտանիայում, Շվեդիայում և Մարոկկոյում։
Թարգմանությունը՝ Տաթև Ֆռանգյանի
