22.11.2024 | 13:45
Ավինյանի կարգադրությամբ՝ շուրջ 2 միլիոն դրամ կհատկացվի «Ավետիս» ՀԿ-ին
Վորոնեժի շրջանի նավթի պահեստում հրդեհ է բռնկվել
Քաղաքականություն
04.10.2024 | 11:49
ՌԴ Վորոնեժի շրջանում գիշերը հրդեհ է բռնկվել նավթի պահեստում։ Տարածաշրջանի նահանգապետ Ալեքսանդր Գուսևի փոխանցմամբ՝ այրվում է դատարկ բաք, որը վնասվել է խոցված անօդաչու թռչող սարքի բեկորների անկման հետևանքով։ Դեպքի վայրում են հրշեջները։
Ըստ նախնական տվյալների՝ զոհեր և վիրավորներ չկան, գրում է DW-ի ռուսական ծառայությունը։
Ականատեսները պնդում են, որ հրդեհը բռնկվել է «Աննա նեֆտեպրոդուկտ» ՍՊԸ-ի նավթային պահեստում, որը տեղակայված է Աննա քաղաքային տիպի բնակավայրում։ Վորոնեժի մարզում հրդեհի մասին հաղորդագրություններից մի քանի ժամ առաջ հայտարարվել էր անօդաչու թռչող սարքի հարձակման վտանգի մասին։
Մինչ այդ էլ Կուրսկի մարզի նահանգապետ Ալեքսեյ Սմիրնովը հայտնել էր, որ անօդաչու թռչող սարքի կործանման հետևանքով հրդեհ է բռնկվել Կուրսկի ատոմակայանից (ԱԷԿ) հինգ կիլոմետր հեռավորության վրա։
Թարգմանությունը՝ Տաթև Ֆռանգյանի
