08.10.2026 | 12:45
Ոչ ոք չգիտի` որտեղ են այդ մարդիկ. պետք է Ադրբեջանի հետ համագործակցենք. Փաշինյանը` անհետ կորածների մասին․ ՏԵՍԱՆՅՈՒԹ
Կուրչատովի շրջանում ուկրաինական ԱԹՍ է ընկել․ նահանգապետ
Քաղաքականություն
03.10.2024 | 21:11
Ռուսաստանի Կուրսկի մարզի նահանգապետ Ալեքսեյ Սմիրնովը հայտարարել է, որ Կուրսկի ատոմակայանի շրջանում տեղի ունեցած պայթյունի և հրդեհի պատճառը եղել է ուկրաինական անօդաչու թռչող սարքի անկումը։ Նրա պնդմամբ՝ անօդաչուն «ճնշվել է» ռադիոէլեկտրոնային պայքարի միջոցների կողմից։
«Դրա անկման հետևանքով պայթյուններ են տեղի ունեցել կենցաղային շենքում, որը ոչ մի առնչություն չի ունեցել Կուրսկի ատոմակայանի հետ»,- ասվում է նահանգապետի Telegram-ալիքում հրապարակված հաղորդագրությունում։
Կուրչատովը գտնվում է Կուրսկի շրջանում ուկրաինական բանակի իրականացրած գործողության գոտուց մոտավորապես 40 կմ հեռավորության վրա։ Ատոմակայանը քաղաքի ծայրամասից չորս կիլոմետր հեռավորության վրա է։
BBC-ի ռուսական ծառայությունը նշում է, որ հրդեհի կադրերից մեկում երևում է Կուրչատովի մշակույթի պալատը, ինչի շնորհիվ հեշտությամբ որոշվում են տեսագրության վայրը. այն գտնվում է Կուրչատովի կենտրոնից հյուսիս-արևելք, այսինքն՝ Կուրսկի ատոմակայանի հակառակ ուղղությամբ։
Թարգմանությունը՝ Տաթև Ֆռանգյանի
