30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ռուսական ԶԼՄ-ները հայտնում են Կուրսկի ատոմակայանի մոտակայքում պայթյունի ու հրդեհի մասին․ ՏԵՍԱՆՅՈՒԹ
Քաղաքականություն
03.10.2024 | 20:45
Ռուսական տելեգրամյան ալիքները հայտնում են պայթյունի մասին (որոշները՝ մի քանի պայթյունների) Կուրսկի ատոմակայանից մի քանի կիլոմետր հեռավորության վրա, փոխանցում է BBC-ի ռուսական ծառայությունը։
Մի քանիսի պնդմամբ՝ խոցված ուկրաինական ռումբն ընկել է ատոմակայանին համեմատաբար մոտ, որոշ ալիքներ էլ գրում են նոր պայթյունների, այսինքն՝ հարվածի վայրում երկրորդական պայթյունի մասին։ Հրապարակվում են նաև հեռվից արված խոշոր հրդեհի լուսանկարներ և տեսանյութեր՝ Կուրչատով քաղաքից և ատոմակայանից ոչ հեռու։
Ռուսական պետական լրատվական գործակալությունները միայն «Ռոսէներգոատոմի» մամուլի ծառայության հաղորդագրությունն են տարածել այն մասին, որ Կուրսկի ԱԷԿ-ը նորմալ աշխատում է այն բանից հետո, երբ որոշակի «արտակարգ իրավիճակ է եղել կայանի մոտ»։
Կուրչատովը գտնվում է Կուրսկի շրջանում ուկրաինական բանակի իրականացրած գործողության գոտուց մոտավորապես 40 կմ հեռավորության վրա։ Ատոմակայանը քաղաքի ծայրամասից չորս կիլոմետր հեռավորության վրա է։
Թարգմանությունը՝ Տաթև Ֆռանգյանի
