11.06.2026 | 19:03
Բուլղարիայի վարչապետը շնորհավորել է Նիկոլ Փաշինյանին
Եկել եմ բարելավելու հայ-ռուսական հարաբերությունները, հասցնելու գոհացուցիչ մակարդակի․ Գուրգեն Արսենյանը՝ Կարասինին
Քաղաքականություն
03.10.2024 | 20:54
ՌԴ Հայաստանի նորանշանկ դեսպան Գուրգեն Արսենյանը հայտարարել է, որ աշխատելու է բարելավել Մոսկվայի ու Երևանի հարաբերությունները՝ դրանք բավարար վիճակի բերելու համար, գրում է ՏԱՍՍ-ը։
«Ես եկել եմ, որ այս անհանգիստ ժամանակներում փորձեմ իմ ջանքերը ներդնել և բարելավել հայ-ռուսական հարաբերությունները, դրանք հասցնել մեզ համար գոհացուցիչ վիճակի»,- ասել է նա Դաշնային խորհրդի միջազգային հարաբերությունների հանձնաժողովի նախագահ Գրիգորի Կարասինի հետ հանդիպմանը։
«Հայաստանը երկիր է, որն ունի դաշնակից, որի հետ կա դաշնակցային պայմանագիր։ Հայաստանը գտնվում է Ռուսաստանի հետ տնտեսական միությունում, իսկ այն, ինչ տեղի է ունենում մեդիա տարածքում, ինձ համար բացարձակ անհականալի է, թե ինչու է այդպես։ Ինչից ենք ելնում՝ իրականությո՞ւնից, թե՞ երևակայական նկարներից։ Մենք պատասխանատու ենք մեր ժողովուրդների համար։ Մենք պետք է այնպիսի գործողություններ կատարենք, որպեսզի ժողովուրդներն ապրեն հանգիստ, ապահով և բարեկեցիկ»,- հավելել է Արսենյանը։
Թարգմանությունը՝ Էմմա Չոբանյանի
