09.09.2026 | 11:48
ԱՄՆ-ն հայտնել է իրանական 5 լցանավերի ոչնչացման մասին․ Թեհրանը թիրախավորել է Հորդանանում ամերիկյան ռազմաբազան
Դամասկոսին իսրայելական հարվածի հետևանքով զոհվել է ԻՀՊԿ-ի ռազմական խորհրդականը
Քաղաքականություն
03.10.2024 | 17:33
Մահացել է Սիրիայում Իրանի Իսլամական հեղափոխության պահապանների կորպուսի (ԻՀՊԿ) ռազմական խորհրդական Մաջիդ Դիվանին, գրում է Mashregh News-ը։
Լրատվականի տվյալներով՝ նա վիրավորվել էր հոկտեմբերի 1-ի գիշերը Դամասկոսին իսրայելական հարվածի արդյունքում։
Իրանի իշխանությունները Մաջիդ Դիվանիի մահվան մասին պաշտոնապես չեն հայտնել։ Լրատվամիջոցները Դիվանիին անվանում են Իսլամական հեղափոխության պահապանների կորպուսի ամենակարևոր խորհրդականներից մեկը:
Syria TV-ն հայտնել է, որ հոկտեմբերի 1-ի գիշերը Իսրայելը հարվածներ է հասցրել Դամասկոսում գտնվող սիրիական հեռահաղորդակցության ընկերության շենքի մոտ «շարժվող օբյեկտի»։ SANA-ի տվյալներով՝ զոհվել է երեք մարդ, ևս ինը վիրավոր է։
Թարգմանությունը՝ Տաթև Ֆռանգյանի
