11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ՌԴ ՊՆ-ն հայտնել է ուկրաինական 113 խոցված անօդաչուի մասին
Քաղաքականություն
03.10.2024 | 12:54
Ռուսաստանի Պաշտպանության նախարարությունը հայտնել է, որ հոկտեմբերի լույս 3-ի գիշերն ուկրաինական 113 անօդաչու թռչող սարք է խոցել, գրում է Current Time-ը։
Գերատեսչության տվյալներով՝ հակաօդային պաշտպանության ուժերն անօդաչու սարքեր են որսացել Բելգորոդի, Վորոնեժի, Կուրսկի և Բրյանսկի շրջաններում։ Դրանց մեծ մասը խոցվել է Բելգորոդի շրջանում՝ 73 անօդաչու թռչող սարք։ 25 անօդաչու ոչնչացվել է Վորոնեժի շրջանում, 14-ը՝ Կուրսկի, մեկը՝ Բրյանսկի շրջանում, ասվում է ՌԴ ՊՆ հաղորդագրության մեջ։
Բելգորոդի նահանգապետ Վյաչեսլավ Գլադկովը հոկտեմբերի 2-ի երեկոյան զեկուցել է Բելգորոդում և շրջակայքում հակաօդային պաշտպանության համակարգերի աշխատանքի մասին։ Գիշերը նա խոսել է Ստարի Օսկոլ քաղաքում ԱԹՍ-ի հարձակման մասին, որի հետևանքով մի կին է վիրավորվել։
Վորոնեժի շրջանի նահանգապետ Ալեքսանդր Գուսևն էլ հայտնել է, որ ավելի քան տասը անօդաչու թռչող սարք են խոցել շրջանում, Բրյանսկի նահանգապետ Ալեքսանդր Բոգոմազը հայտնել է մեկ ԱԹՍ-ի մասին։
Թարգմանությունը՝ Տաթև Ֆռանգյանի
