16.01.2025 | 23:17
Առաջիկայում տեղի կունենա Վրաստանի, Ադրբեջանի և Թուրքիայի ԱԳ նախարարների հանդիպում
ՌԴ-ն «Շահեդ»-ներով հարվածել է Կիևին․ օդային գրոհը տևել է ավելի քան 5 ժամ
Քաղաքականություն
03.10.2024 | 11:53
ՌԴ-ն հոկտեմբերի 3-ի գիշերը «Շահեդ»-ներով հարվածել է Կիևին, օդային տագնապը տևել է ավելի քան 5 ժամ։ ՀՕՊ ուժերը խոցել են դեպի Ուկրաինայի մայրաքաղաք թռչող բոլոր ԱԹՍ-ները, Current Time-ի փոխանցմամբ՝ հայտնել է Կիևի քաղաքային վարչակազմի ղեկավար Սերգեյ Պոպկոն։
«Մայրաքաղաքում օդային տագնապը շարունակվել է ավելի քան 5 ժամ։ ԱԹՍ-ների առաջին խմբերը հակառակորդն արձակել է կեսգիշերից առաջ, սակայն գիշերվա ընթացքում անընդհատ ավելանում էին նոր ու նոր ԱԹՍ-ներ։ Ոչ մի ռուսական ԱԹՍ չի հասել իր թիրախին»,- գրել է նա Տելեգրամում։
Պոպկոյի խոսքով՝ «ՀՕՊ համակարգերը Կիևի երկնքում ու դրա հարակից տարածքներում հայտնաբերել և խոցել են մեկուկես տասնյակ հարձակողական անօդաչու թռչող սարք»: Ըստ նրա՝ բեկորներն ընկել են քաղաքի Դեսնյանսկի թաղամասում:
«Սակայն հետևանքները նվազագույնն են. ավերածություններ, հրդեհներ չեն եղել, զոհերի մասին տեղեկություններ չեն ստացվել»,- հավելել է Պոպկոն:
Հոկտեմբերի 2-ի երեկոյան ռուս զինվորականները կառավարվող ավիառումբերով հարձակվել են Խարկովի վրա։ Տուժել է 12 մարդ, այդ թվում՝ 3-ամյա աղջիկ։
Խարկովի շրջանային ռազմական վարչակազմի ղեկավար Օլեգ Սինեգուբովի խոսքով՝ հարվածի հետևանքով Սալտովկա թաղամասում հինգ հարկանի շենք է վնասվել, երրորդից չորրորդ հարկերի միջև հրդեհ է բռնկվել։ Պաշտոնյայի խոսքով՝ ավերված տան փլատակների տակ կարող են մարդիկ լինել։
Թարգմանությունը՝ Տաթև Ֆռանգյանի
