27.05.2026 | 10:18
Հենրիխ Մխիթարյանը նոր պայմանագիր կկնքի «Ինտերի» հետ․ Ֆաբրիցիո Ռոմանո
Իսրայելը հարվածել է Բեյրութի կենտրոնին. Լիբանանի իշխանությունները հայտնում են 6 զոհի մասին
Քաղաքականություն
03.10.2024 | 11:22
Առնվազն վեց մարդ է զոհվել չորեքշաբթի երեկոյան Բեյրութի կենտրոնին Իսրայելի ավիահարվածի հետևանքով, հայտնում է Լիբանանի առողջապահության նախարարությունը։ Գերատեսչության հաղորդագրության մեջ նշվում է, որ վիրավորվել է 11 մարդ։
Իսրայելի պաշտպանության բանակն ավելի վաղ հայտնել էր, որ ճշգրիտ հարված է հասցրել Բեյրութում գտնվող «Հըզբոլլահ»-ի օբյեկտներին: Ըստ լիբանանյան աղբյուրների՝ հարվածի հետևանքով վնասվել է «Հըզբոլլահ»-ին պատկանող բժշկական կենտրոնը։ Լիբանանի մայրաքաղաքում աշխատող BBC-ի թղթակիցները հայտնել են քաղաքի կենտրոնում հզոր պայթյունի մասին։ Բեյրութի հարավում որոշ ժամանակ անց երեք պայթյուն է տեղի ունեցել, որին հաջորդել է ևս երկու պայթյուն։
Լրատվականի փոխանցմամբ՝ վնասված շենքը գտնվում է Ալ-Բաշուրա շրջանում՝ Լիբանանի խորհրդարանի ու ՄԱԿ-ի տարածաշրջանային կենտրոնակայանի մոտ։
Իսրայելական բանակը երկուշաբթի գիշերն է ձեռնարկել իր առաջին հարձակումը Բեյրութի կենտրոնի վրա, մինչ այդ հիմնականում հարվածներ են հասցվել քաղաքի հարավային ծայրամասերին, որտեղ կենտրոնացված են «Հըզբոլլահ»-ի օբյեկտները։
Իսրայելացի զինվորականները կրկին նախազգուշացում են տարածել՝ Լիբանանի մայրաքաղաքի հարավում գտնվող որոշ շրջանների բնակիչներին կոչ անելով լքել իրենց տներըն, քանի որ Իսրայելի պաշտպանության բանակը ծրագրում է հարվածներ հասցնել։
Թարգմանությունը՝ Տաթև Ֆռանգյանի
