14.12.2024 | 19:57
Ինչ իրավիճակ է ճանապարհներին 19։35-ի դրությամբ
Աղավնաձոր գյուղի խաչմերուկում բախվել են «BMW»-ն և «VAZ»-ը. կան տուժածներ
03.10.2024 | 10:02
Հոկտեմբերի 2-ին, ժամը 20:08-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աղավնաձոր գյուղի խաչմերուկում տեղի է ունեցել ՃՏՊ․ տեղեկացնում են ՆԳՆ ՓԾ-ից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են «BMW» և «VAZ» մակնիշների ավտոմեքենաները. «BMW» մակնիշի ավտոմեքենայում հրդեհ է բռնկվել:
Մինչ փրկարարների կանչի վայր հասնելը՝ տուժածներ Գ. Խ.-ն (ծնված 1958 թ.), Վ. Խ.-ն (ծնված 1987 թ.) և Գ. Գ.-ն (ծնված 1990 թ.) հոսպիտալացվել են բժշկական կենտրոն, որտեղ նրանց առողջական վիճակը գնահատվել է բավարար:
Հրդեհը մեկուսացվել է ժամը 20:27-ին, մարվել՝ 20:30-ին: Այրվել են «BMW» մակնիշի ավտոմեքենայի շարժիչի հատվածը և ցուցիչների վահանակը:
Փրկարարները փակել են «VAZ» մակնիշի ավտոմեքենայի գազի բալոնի փականը, սահմանազատել տարածքը և իրականացրել ճանապարհի լվացման աշխատանքներ:
