14.01.2026 | 09:39
ԹՐԻՓՓ-ի միջոցով ինչի են ձգտում ՀՀ-ն ու ԱՄՆ-ը, ինչ օգուտներ են ակնկալում 2 երկրները
Մակրոնի հրաժարականի առաջարկը մերժվել է խորհրդարանի իրավական հանձնաժողովի կողմից
Քաղաքականություն
02.10.2024 | 20:04
Ֆրանսիայի Ազգային ժողովի իրավաբանական հանձնաժողովը դեմ է արտահայտվել LFI կուսակցության կողմից առաջարկված Էմանուել Մակրոնին պաշտոնանկ անելու ընթացակարգին։ LFI-ը պահանջել էր նախագահի հրաժարականն այն բանից հետո, երբ նա հրաժարվել էր վարչապետ նշանակել Նոր Ժողովրդական ճակատից ձախերի ներկայացուցիչ Լյուսի Կաստեին։
Իրավական հարցերի հանձնաժողովում ձայները բաժանվել են 15 «կողմ»-ի և 54 «դեմ»-ի, ուստի ծայրահեղ ձախերի կողմից սկսված ընթացակարգը դադարեցվել է։
Ըստ կանոնակարգի՝ այժմ միայն բոլոր խորհրդարանական խմբերի ղեկավարների համաձայնությունը թույլ կտա շարունակել հարցի քննարկումը խորհրդարանում։ Դրա համար երկու շաբաթ է հատկացվել, որից հետո վերջնականապես կորոշվի ծայրահեղ ձախերի առաջարկի ճակատագիրը։
Թարգմանությունը՝ Տաթև Ֆռանգյանի
