09.09.2026 | 13:37
Մարիա Կարապետյանը՝ Արտաքին հարաբերությունների մշտական հանձնաժողովի փախնախագահ
Ուկրաինան դուրս է բերում զորքերն Ուգլեդարից
Քաղաքականություն
02.10.2024 | 15:43
Ուկրաինայի պաշտպանության ուժերը պաշտոնապես հաստատել են Ուգլեդարից զորքերի դուրսբերումը։ Ռուսական կողմն ավելի վաղ հայտարարել էր Դոնեցկի շրջանի հարավ-արևմուտքում գտնվող քաղաքի գրավման մասին, փոխանցում է BBC-ի ռուսական ծառայությունը։
Ըստ Խորտիցայի զորքերի օպերատիվ-ռազմավարական խմբի՝ շրջափակման սպառնալիքի պատճառով ուկրաինացի զինվորականները որոշել են դուրս բերել զորքերը քաղաքից։
«Տևական մարտերի արդյունքում բազմաթիվ կորուստներ կրելով՝ հակառակորդը չի հրաժարվել Ուգլեդարը գրավելու փորձերից։ Փորձելով ամեն գնով վերահսկել քաղաքը՝ նրան հաջողվել է ռեզերվներ ուղարկել՝ եզրային հարձակումներ իրականացնելու համար, ինչը սպառել է Ուկրաինայի զինված ուժերի ստորաբաժանումների պաշտպանունակությունը։ Հակառակորդի գործողությունների արդյունքում առաջացել է քաղաքի շրջափակման վտանգ։ Բարձր հրամանատարությունը թույլատրել է մանևրել ստորաբաժանումներն Ուգլեդարից դուրս բերելու համար՝ անձնակազմը և ռազմական տեխնիկան պահպանելու և հետագա գործողությունների համար դիրք զբաղեցնելու նպատակով»,- ասվում է ուկրաինացի զինվորականների հայտարարության մեջ։
Ռազմավարական մեծ նշանակություն ունեցող Ուգլեդարի համար մարտերը շարունակվում էին 2022 թվականի մարտի վերջից։
Թարգմանությունը՝ Տաթև Ֆռանգյանի
