23.06.2026 | 15:54
Ռուսական զորքերը հրթիռակոծել են Կրիվոյ Ռոգը․ զոհվել է 3, վիրավորվել՝ 23 մարդ
ՌԴ ԱԳՆ-ն՝ Ադրբեջանում ռուսական նոր դիվանագիտական ներկայացուցչություններ բացելու մասին
Քաղաքականություն
02.10.2024 | 17:39
Ռուսաստանն աշխատում է Ադրբեջանի տարածքում նոր դիվանագիտական ներկայացուցչություններ բացելու ուղղությամբ։ Այս մասին ՏԱՍՍ-ին տված հարցազրույցում ասել է ՌԴ ԱԳՆ հյուպատոսական բաժնի ղեկավար Ալեքսեյ Կլիմովը՝ պատասխանելով հարցին, թե ե՞րբ է բացվելու Ադրբեջանում ՌԴ նոր գլխավոր հյուպատոսությունը և արդյո՞ք այն բացվելու է Ղարաբաղում։
«Ադրբեջանի տարածքում Ռուսաստանի նոր ներկայացուցչությունների բացման հարցը մշակվում է քաղաքական մակարդակով։ Ադրբեջանական կողմի հետ համապատասխան պայմանավորվածությունների ձևակերպմանը զուգահեռ հյուպատոսական դեպարտամենը կմիանա դրա հետ կապված գործնական քայլերի իրականացմանը»,- ասել է Կլիմովը։
Հավելենք, որ ավելի վաղ ՌԴ Դաշնային խորհրդի միջազգային հարցերով hանձնաժողովի նախագահ Գրիգորի Կարասինը Ադրբեջանի Միլլի Մեջլիսի պատվիրակության հետ հանդիպմանը, որը գլխավորում էր Միջազգային հարաբերությունների և միջխորհրդարանական հարաբերությունների հանձնաժողովի նախագահ Սամեդ Սեիդովը, հայտարարել էր հայաթափված Ստեփանակերտում գլխավոր հյուպատոսություն բացելու՝ ՌԴ ծրագրերի մասին։
«Մեր երկկողմանի հարցերից ես կնշեմ Խանքենդիում (Ստեփանակերտում) գլխավոր հյուպատոսության բացումը: Մենք նախատեսում ենք մոտ ապագայում սկսել նախապատրաստական աշխատանքները և ապավինում ենք ձեր աջակցությանը»,- ասել էր Կարասինը։
Նրա խոսքով՝ իդեալական կլիներ գլխավոր հյուպատոսությունը բացել 2024 թվականին։
Թարգմանությունը՝ Էմմա Չոբանյանի
