15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Իրանը պատերազմ չի ցանկանում, բայց չի էլ վախենում դրանից․ ԱԳՆ
Քաղաքականություն
02.10.2024 | 17:02
Իրանի արտգործնախարար Աբբաս Արաղչին հեռախոսազրույցներ է ունեցել Մեծ Բրիտանիայի, Գերմանիայի և Ֆրանսիայի արտաքին գործերի նախարարների հետ։ Նա ասել է, որ Թեհրանը չի վախենում պատերազմից, բայց չի էլ ձգտում դրան։
Ըստ իրանցի պաշտոնյայի՝ Թեհրանն իրացրել է օրինական պաշտպանության իր իրավունքը՝ համաձայն ՄԱԿ-ի կանոնադրության 51-րդ հոդվածի, իսկ հարձակման թիրախը եղել են «բացառապես ռազմական բազաները»։ Նա նախազգուշացրել է «ցանկացած երրորդ կողմին»՝ չմիջամտել հակամարտությանը։
«Գործողությունն ավարտված է, բայց եթե սիոնիստական ռեժիմը փորձի հակահարված տալ, մեր պատասխանն ավելի խիստ կլինի։ Իրանը չի ձգտում սրելու լարվածությունը և պատերազմը, թեև չի վախենում պատերազմից»,- նշել է Իրանի ԱԳՆ ղեկավարը։
Հիշեցնենք՝ հոկտեմբերի 1-ին Իրանն ավելի քան 180 հրթիռ է արձակել Իսրայելի ուղղությամբ, ըստ որոշ աղբյուրների էլ՝ մինչև 400 հրթիռ։ Թիրախները ներառել են իսրայելական ռազմաօդային ուժերի երկու բազա և «Մոսադի» շտաբը: Ըստ իսրայելական կողմի՝ վերջինը չի տուժել։ Հաղորդվում է նաև, որ ԱՄՆ-ի և ֆրանսիացի զինվորականներն աջակցել են Իսրայելին հարձակումը հետ մղելու հարցում։
Թարգմանությունը՝ Տաթև Ֆռանգյանի
