06.08.2026 | 15:35
Սալահը դարձել է Թուրքիայի ամենաբարձր վարձատրվող ֆուտբոլիստը. ավելի շատ աշխատավարձ, քան «Լիվերպուլում»
Խաղաղություն չի կարող լինել, որը հիմնված է անարդարության վրա․ Նուբար Աֆեյան
02.10.2024 | 12:53
Խաղաղություն չի կարող լինել, որը հիմնված է անարդարության վրա։ Այս մասին այսօր ասուլիսում ասաց «Հայաստան 2041» բարեգործական հիմնադրամի համահիմնադիր, գործարար Նուբար Աֆեյանը։
«Այժմ աշխարհը շեղված վիճակի մեջ է և ցինիկ է դարձել։ Մի կողմից ասում են, որ արդարությունը կարևոր է, մյուս կողմից ասում են, որ եթե կարող ենք խաղաղություն ստեղծել, արդարությունը՝ ոչինչ։ Սա երևակայական մի տեսլական է, քանի որ հնարավոր չէ խաղաղություն ունենալ, որը հիմնված է անարդարության վրա և աշխարհում նման խաղաղություն չի եղել։ Եղել է մի քանի րոպե, մի քանի օր, բայց չի գոյատևել։ Դա շատ պարզ է, նույնիսկ ամերիկացիները, եվրոպացիները լավ գիտեն և ասում են, որ խաղաղություն չի լինելու, եթե արդարության խնդիրը չհաստատվի։ Հուսով եմ, որ խաղաղության պայմանագիր կարող ենք ստեղծել, բայց նաև վստահ եմ, որ Կառավարությունը, ինչպես ինձ մի քանի անգամ ասել են, աշխատում են, որ մեր բանտարկյալները ազատվեն և այդ հարցն առաջ են բերում տարբեր հանդիպումներում»,- նշեց Աֆեյանը՝ պատասխանելով Ադրբեջանի բանտում գտնվող Ռուբեն Վարդանյանի վերաբերյալ հարցին։
Նրա խոսքով՝ Վարդանյանի մասին ունեցած տեղեկությունները նրա ընտանիքից ստացվածն է, քանի որ Վարդանյանը միայն ընտանիքի հետ է սահմանափակ կերպով շփվում։
«Մենք բավականին ջանքեր ենք գործադրում, որ օգնենք իրեն, իրավաբանների, տարբեր միջազգային ընկերությունների հետ աշխատում ենք, որ հաջողվի»,- նշեց Աֆեյանը։
