09.09.2026 | 12:23
Ուկրաինական ԱԹՍ-ները գրոհել են Նովոռոսիյսկը․ զոհվել է 4, վիրավորվել՝ 29 մարդ
ՌԴ-ն և Ուկրաինան սեպտեմբերին ռեկորդային թվով ԱԹՍ-ներ են օգտագործել
Քաղաքականություն
02.10.2024 | 14:52
Ե՛վ ռուսաստանցի, և՛ ուկրաինացի զինվորականները սեպտեմբերին ռեկորդային թվով անօդաչու թռչող սարքեր են գործարկել պատերազմի մեկնարկից ի վեր։ Հաշվարկը իրականացրել է «Агентство»-ն՝ հիմնվելով ՌԴ ՊՆ-ի և Ուկրաինայի ԶՈՒ-ի զեկույցների վրա, գրում է Meduza-ն։
ՌԴ Պաշտպանության նախարարության հայտարարությունների համաձայն՝ մեկ ամսվա ընթացքում Ռուսաստանի միջազգայնորեն ճանաչված տարածքում խոցվել է 886 անօդաչու թռչող սարք։ Մեկ ամիս առաջ գերատեսչությունը հայտնել էր 751 ոչնչացված անօդաչու թռչող սարքի մասին։
Ուկրաինական կողմի հաղորդագրություններից էլ հետևում է, որ սեպտեմբերի ընթացքում ռուսական կողմը կիրառել է 1331 «Շահեդ» հարվածային անօդաչու թռչող սարքեր Ուկրաինայով տարածքով մեկ։ Օգոստոսին ուկրաինացի զինվորականները հաղորդել էին 790 անօդաչու թռչող սարքերի հարձակման մասին՝ հուլիսի 426-ի դիմաց։
Լրատվամիջոցը գրում է, որ սեպտեմբերը պատերազմի սկզբից ի վեր առաջին միասնական օրացուցային ամիսն է դարձել, որի ընթացքում երկու կողմերից անօդաչու սարքերի հարձակումներն ամեն օր են եղել։
Թարգմանությունը՝ Էմմա Չոբանյանի
