22.06.2026 | 16:24
ՍԴ-ն փաստաթղթեր է պահանջել մի շարք պետական մարմիններից․ ՔՊ-ն որպես 3-րդ անձ է ներգրավվել
Թեհրանը Շվեյցարիայի դեսպանատան միջոցով ԱՄՆ-ին նախազգուշական ուղերձ է փոխանցել․ Իրանի ԱԳ նախարար
Քաղաքականություն
02.10.2024 | 12:41
Իրանի ԱԳ նախարար Աբբաս Արաղչին հայտարարել է, որ երեկ երեկոյան Թեհրանում Շվեյցարիայի դեսպանատան միջոցով նախազգուշական հաղորդագրություն է ուղարկվել ԱՄՆ-ին, գրում է իրանական Mehr գործակալությունը։
Պատասխանելով հարցին՝ արդյո՞ք Իրանը տեղեկացրել է ԱՄՆ-ին Իսրայելի ուղղությամբ հրթիռային հարձակում սկսելուց առաջ, նա ասել է․ «Ոչ, ես չեմ հաստատում։ Առաջին՝ ուղերձների փոխանակումը չի նշանակում համակարգում։ Ոչ մի հաղորդագրություն չի փոխանակվել, բայց տրամաբանորեն հարձակումից հետո անհրաժեշտ էր մեր զգուշացումները տալ բոլոր կողմերին, այդ թվում՝ ամերիկացիներին, և դա արվել է»։
Արաղչին նշել է, որ դա իրականացվել է Շվեյցարիայի դեսպանատան միջոցով։
«Նախազգուշացումը, որը ես նշեցի, երեկ երեկոյան, տրվել է Շվեյցարիայի դեսպանատանը՝ ամերիկացիներին փոխանցելու համար, և գլխավոր կետն այն է, որ դա մեր պաշտպանական գործողությունն է, մեր պաշտպանվելու իրավունքը, և մեր գործողությունն իրականացվեց։ Մենք մտադիր չենք շարունակել, քանի դեռ մյուս կողմերը չեն պատասխանել»,- հայտարարել է Իրանի ԱԳ նախարարը։
Նա նաև հավելել է, որ այդ ուղերձում Իրանը նաև ԱՄՆ-ին զգուշացրել է չմիջատել, հակառակ դեպքում, նրանք կբախվեն Թեհրանից ավելի կոշտ պատասխանի։
Թարգմանությունը՝ Էմմա Չոբանյանի
